Падрабязнасці асабістага прыёму памочніка Прэзідэнта

Сёння ў Лунінецкім райвыканкаме адбыўся асабісты прыём грамадзян, які правёў памочнік Прэзідэнта Рэспублікі Беларусь - інспектар па Брэсцкай вобласці Аляксандр Ломскі.

Такі фармат працы дазваляе жыхарам наўпрост агучыць набалелыя праблемы і атрымаць кампетэнтныя тлумачэнні або дапамогу ў вырашэнні пытанняў.

Усяго ў ходзе прыёму паступіла 9 зваротаў. Спектр закранутых тэм быў вельмі шырокім: зямельныя адносіны, добраўпарадкаванне, пераразлік пенсій, пытанні сацыяльнага жылля і аховы здароўя.

Аляксандр Зіноўевіч дэталёва паглыбіўся ў кожную сітуацыю. Частка пытанняў была растлумачана ў ходзе гутаркі, па астатніх дадзены канкрэтныя даручэнні профільным службам. Усе звароты ўзятыя на асабісты кантроль.